MALAR KANKAL= மலர்க் கண்கள்

                                                            மலர்க் கண்கள்                     

                            பெண்ணின் அழகிய  விழிகளை ;
                           சித்திர விழிகள் என்ன மீனோ மானோ            -என்றும்

                        கண்ணிலே இருப்பதென்ன கன்னி இள மானே
                        காவியமோ ஓவியமோ கன்னி இள மானே      -என்றும்

                        நீல நிறம் வானுக்கும் கடலுக்கும் நீல நிறம்
                       காரணம் ஏன் கண்ணே உன் கண்ணோ நீல நிறம்  -என்றும்

                         கண்களில் நீலம் விளைத்தவளோ :அதைக்
                        கடலினில் கொண்டு  கரைத்தவளோ                        -என்றும்

                                        முள்ளில் ஆடும் பெண்மை
                                         கள்ளில் ஊறும் கண்கள்                                - என்றும்

                                        வேலாலே விழிகள் -இங்கு
                                        ஆலோலம் இசைக்கும்                                - என்றும்

                                     கண்ணுக்குள்ளே கெழுத்தி
                                    வச்சிருக்கா ஒருத்தி யப்போ யப்போ           
                                    கண்ணிவெடித் திரியை
                                    வச்சிருக்கா கொழுத்தி  யப்போ யப்போ       - என்றும்

                                    குவளை ரெண்டு மலர்ந்ததென் று
                                    கண்களைத் தொட்டார்

                                         என்றெல்லாம் கவிஞர்கள்  வர்ணனை செய்வர்
அவர்களுக்கெல்லாம்  மானாய் , மீனாய் ,காவியமாய் ,ஓவியமாய்,
கடலாய், வானமாய் ,வில்லாய் ,அம்பாய் ,நீலமாய், குவளையாய்த் தெரிந்த
அவளின் விழிகள் வள்ளுவருக்கு இகே மலராய்த் தெரிகிறது

                  மலர் காணின் மையாத்தி நெஞ்சே இவள்கண்
                  பலர் காணும் பூவொக்கும் என்று                                [1112]

                   மலரைக் கண்டால் மயங்கிப் போகும் நெஞ்சமே !அம்மலர்கள்  இவளுடைய  கண்களை ஒத்திருக்க , மலர் எது கண் எது  என்று மயங்கிப் போகிறாய்  எனப் பொருளுரைக்கிறது |

திரைப்பட  பாடலோ
                     மலர் எது என் கண்கள் தானென்று சொல்வேனடி
                     கனி எது  என் கன்னம் தானென்று  சொல்வேனடி

பாடல் : மலர் எது
படம் :அவளுக்கென்று ஓர் மனம்

                                   லில்லி மலருக்குக் கொண்டாட்டம்
                                                      பெண்ணைப்  பார்த்ததிலே
                                என்ற பாடல் மூலம் குறளை நினைவு கூர்வார்
பாடல் ; லில்லி மலருக்கு
படம் ; உலகம் சுற்றும் வாலிபன்

                             ஒரு பெண்ணைப் பார்த்து நிலவைப் பார்த்தேன்
                                                       நிலவில் குளிரில்லை
                            அவள் கண்ணைப் பார்த்து மலரைப் பார்த்தேன்
                                                       மலரில் ஒளியில்லை
                       என்று மலரை விடவும் கண்களைச் சிறப்பாகக் காட்டுவார்
பாடல் ;ஒரு பெண்ணைப் பார்த்து
படம் ;தெய்வத் தாய்
                    இன்னும்
                                   அழகுக்கு மறு பெயர்  பெண்ணா
                                   அல்லி  மலருக்கு மறு பெயர்  கண்ணா
                      என்று அழகாய் ஒப்புவமைப் படுத்தும்
இதே கருத்தை இன்னும் சிறப்பாய்க் கையாள்வார் வள்ளுவர் மற்றொரு
குறளில் . அது
                         காணிற் குவளை கவிழ்ந்து நிலன் நோக்கும்
                         மாணிழைக் கண்ணொவ்வோம் என்று                             [1114]

          அதாவது இவளது கண்களைப் பார்த்து குவளை மலர்கள்  தலை குனிந்து
 நிலத்தைப் பார்க்கின்றன  எனப் பொருள்படும்


                       ஒரு பாடலில் தன பேத்தியிடம் இறந்துபோன தன மனைவியின்  அழகை [கண்களை]  நினைவலைகளில் நிறுத்தி அசை போடுவதாய் அமைந்த உரையாடலில்

                                 ஒரு மலர்க் காட்சியில்தான் [முதலில்] அந்த
                                  நந்தவனத்தைச் சந்தித்தேன்
                                 அந்த மலர்க் [கண்]காட்சியில் அழகான பூவே
                                 அவள் மட்டும்தான்
                                 பூக்கள் எல்லாம் அவள் முகம் காண
                                 நாணிக் கோணி , குனிந்து கொண்டன
                     என நம்மை மெய் சிலிர்க்க வைப்பதுடன் அந்தக் குறளின் வரிகளை
அப்படியே உணர்த்துவார் பாடலாசிரியர் .

பாடல் ;அன்புள்ள அப்பா
படம் ;அன்புள்ள அப்பா