அந்தியிலே மயக்கம்
                 ஜாதிகள்  இல்லையடி பாப்பா என்றார் மகாகவி
காதலுக்கு ஜாதி இல்லை மதமும்   இல்லையே என்றார் கவியரசர்
                                குங்குமம் இடுகின்ற  போது -அது
                                குலத்தினைப் பார்ப்பது இல்லை
                                சங்கமம் ஆகின்ற வேளை -அது
                                 ஜாதிகள்  பார்ப்பது இல்லை |
                  ஆம்.    தேவன் வேதமும் கண்ணன் கீதையும் ஒரு  பாதையில்
இங்கு சங்கமம் |
                  ஜாதிகள் பார்க்காத காதல் "கனியில் ஊறிடும் சுவையையும் மீறி
இனிமை  தரும்

                இந்தக்காதலில் கனிந்தவள் அழகிய இனிய மாலை வேளையில்
விருந்தொன்றைப்  பரிமாறினாள்| அதைப் பரிமாறும் போதே
பசியாறினாள் |அப்படிப்பட்டட மாலை வேளையைத்தான்  வள்ளூவர்

                                  மாலையோ அல்லை மணந்தார் உயிருண்ணும் 
                                  வேலை நீ வாழி பொழுது 
              பொழுதே நீ வாழ்க , மாலைப் பொழுதா நீ | இல்லை மணம் புரிந்து
பிரிந்து வாழும் உயிரை உண்கின்ற வேலாக அல்லவா இருக்கிறாய் |

                 அதாவது மாலை வேளை படை போலக்  கொல்லும் வேலாய் இருப்பதாக உணர்த்துவார் |

இதையே திரைப்பட பாடலொன்று ......

                                    மாலைப் பொழுது வந்து படை போலக் கொல்லும் 
                                    வருவார் வருவார் என்ற சேதியும் சொல்லும் 
                                   ஆலிலை போன்ற உடல் ஆசையில் துள்ளும் 
                                  அந்தியிலே இயற்கை என்னையும் வெல்லும் 

பாடல் :அன்புள்ள அத்தான் 
படம்  :கைராசி 

                   முதல் வரியில்  மாலைப் பொழுது அவளைக் கொல்வதாகவும்
கடைசி வரியில் அவளை வெல்வதாகவும்  சொல்லியிருப்பது
பாடலுக்குச் சுவை சேர்க்கும் |
இக்கருத்தினை  வள்ளுவர்
                            காலைக்குச் செய்த நன்று என்கொல் எவன் கொல்யான் 
                            மாலைக்குச் செய்த பகை 
                காலைப்  பொழுதுக்கு நான் செய்த நன்மை என்ன ? என்னைத்துன்புறுத்தும்மாலைப் பொழுதிற்கு நான் செய்த தீமைதான் என்ன? என்பதாய்  விளக்கம் தரும்

ஒரு பாடலில்
                                       மாலைக்கு நான் செய்த தீமை  என்ன ?-அதி 
                                       காலைக்கு நான் செய்த நன்மை என்ன?
                                       என்பதாய் குறளை அப்படியே நினைவூட்டும்

பாடல் :நாளொன்றும் பொழுதொன்றும் 
படம்: கல்யாணியின் கணவன் 
                                                                                                                     என்றும்
மற்றொரு பாடலில்
                                         நாளை இந்த வேளை பார்த்து ஓடி வா நிலா 
                                        இன்று எந்தன் தலைவன் இல்லை சென்று வா நிலா 

பாடல் :நாளை இந்த வேளை 
படம் :உயர்ந்த மனிதன் 
                                                                                                                        என்றும்
                                           மாலைப் பொழுதின் மயக்கத்திலே  நான் 
                                           கனவு கண்டேன்  தோழி 
                                           மனதில் இருந்தும் வார்த்தைகள் இல்லை 
                                          காரணம் ஏன் தோழி 

பாடல்:மாலைப் பொழுதின் 
படம் :பாக்ய லட்சுமி 
                                                                                                                             என்றும்
                                            மயக்கும் மாலைப் பொழுதே நீ போ போ 
                                            இனிக்கும் இன்ப இரவே நீ வா வா 

பாடல் : மயக்கும் மாலை
படம் :குலேபகாவலி 
                                                                                                                              என்றும்

                                             மாலையும் இரவும் சந்திக்கும் இடத்தில் 

                                             மயங்கிய ஒளியினைப் போலே 

                                            மன மயக்கத்தில் வந்தவள் நீயே 

பாடல்: மாலையும் இரவும்
படம் :பாசம்

                                                                         இன்னும்.....
                                             இதழில் கதை எழுதும் நீரமிது 
                                             மனதில் சுகம் மலரும் மாலையிது 

பாடல் :இதழில் கதை எழுதும் நீரமிது 
படம் : உன்னால் முடியும் தம்பி 
                          என்று சுருங்கச் சொல்லி விளங்க வைக்கும்

                           அந்தியில் மயங்கி விடும் காலையில் தெளிந்து விடும் 
                           அன்புமொழி கேட்டுவிட்டால் துன்ப நிலை மாறிவிடும் 

பாடல் :அமைதியான நதியினிலே ஓடம் 
படம் :ஆண்டவன் கட்டளை 
                    என்பதாய்க்   குறளைத்தழுவி கனிந்துருகுவாள் அந்த காவியத் தலைவி