அறம்,பொருள்,இன்பம் எனப் பகுத்து அதனை அழகுறத்தொகுத்து,  நாம்
அனைவரும் பயன்பெறும் வண்ணம் படைக்கப்பட்டது  திருக்குறள் முத்தொகுப்பு என்பதால் முக்கனியின் சாறெடுத்து ,முத்தமிழின் தேனெடுத்து
முப்பாலிலே கலந்து எப்போதும் அள்ளிப்பருகிட அருளப்பட்டது.
         அதிலும் கற்கண்டு,பாகு,கனிரசத்தேனும்கூடக் கசந்திடும் வண்ணம்
அமைந்திட்ட காமத்துப்பாலை ரசனையோடு அணுகத்தந்திருக்கிறார் .

        விரசம்,  சரசம் [ஊடல்] சற்றே தலை தூக்கிடினும்  அதனை ஒருவித
உன்னத --ரசம் கலந்து பருகத்  தந்திட்டார்

          செம்மாதுளையில் கொஞ்சம் செம்மாங்கனியில் கொஞ்சம் சரியாய்க்  கலந்திட்ட கலவையாய் நமக்காகவே தந்து அந்தக் கருவூலத்தை நாம் என்றென்றும் வணங்கிடச் செய்தார் .

       அதனால்தானோ என்னவோ ஐம்பதுகள் தொட்டு இன்றுவரையிலும் கூட
குறிப்பாக காமத்துப்பாலைத் தழுவியே கவிஞர்கள் திரைப்படப் பாடல்களை
புனைந்திருகின்றனர்
                 நானும்கூட அவ்வழியிலே அவற்றையே கோர்வையாக்கி குறள்களையும் சரியாகநினைவு கூர்ந்து ஒருவித பாடல் குவியலாய்
சிற்சில தலைப்புகளின்கீழ் உங்களிடம் உணர்வுபூர்வமாக பகிர்ந்து கொள்ள
விழைகிறேன்.